Estimadus Vizinhus: 

Obrigadu pa nhos sta envolvedu ku nos gabineti duranti mes pasadu.N kreba informaba nhos kuze ki nu faze nes primeru simestri des anu. 

Na Janeru nu kria un ajenda anbisiosu di transporti ki inklui un tranzitu rapidu na Fairmount Line, nu midjora asesu a tranzitu publiku pa Silver Line, ki traze novu reseita pa faze grandi investimentu na MBTA, y midjora nivel di servisu korenti. N sta orgulhozu tcheu pa prugresu na varius inisiativas y permanise konprometidu ta kontinua ta faze-l.

Nos gabineti trabadja riju pa segura provison na Orsamentu di Senadu ki ta manda faze un studu konpletu na eletrifikason di Fairmount Line, un pasu inportanti pa alkansa un verdaderu kapital propriu di tranzitu. Enbora es seson ka staba inkluidu na orsamentu final, N sabe ma ku esforsu kontinuo, y advokasia des komunidadi, ki nu ten oji. nu pode trabadja djuntu pa finalmenti bira es linha di transporti nun tranzitu linpu, rapidu, y un efisienti koredor pa rezidentis ki ta mora la. Asesu a tranzitu publiku ta kebra barera pa mobilidadi ekonomiku y enerjia eletriku linpu ta djuda reduzi disperidadi di saudi publku ki nu ten oji.

Resenti deskarelamentu y fadjas di servisu ta realsa nesesidadi pa T ganha konfiansa di publiku y ten fe na sistema. Pa faze kela, nu ten ki faze un bon inestimentu ki ta dura. Di otu manera, sistema ta kontinua ta perde pasajerus y nos strada ta torna kada vez mas kongetionadu. Desdi ki anunusiadu es deskarelamentu, N ten mostradu nha opozison na subida di presu di MBTA, pa ki ten un planu finaseru signifikanti pa un termu di longu prazu pa midjoramentu di un sistema kapaz di responde divida strutural y responsabilidadi di penson. N oferese varius propostas pa konpensa kel reseita y kria un rendimentu pasivu ki ka ta kria prublema pa pasajerus. El ta inklui:

  • Novu, reseita sen inpostu, sen subida di presu atravez di Parseria di Pbliku Privadu ku esesu pa parsela di MBTA ki pode jera reseita pa sistema di tranzitu sen kusta dinheru pa pasjerus, kapaz di kria fundu pa midjor investimentu ki nu meste. 
  • Lei ki ta permiti grandis y pikenus sidadis kareta mas dispesas na TNC pa tra fora inpatu negativu di meiu anbienti y transporti asosiadu ku uzu di viajen indipendenti. Nu mesti enkoraja mas algen pa uza tranzitu publiku linpu.
  • Vota pa un lei justu pa kria reseita signifikanti pa transporti y edukason.
  • Na Maiu, nos, na Senadu poi djuntu un pakoti ki ta refleti nos valor y prioridadi. Nha gabineti sta enpenhadu pa leba tudu komunidadi di Primeru Distritu di Suffolk, prioretiza mobilidadi ekonomiku,, formason di trabadju, programa publiku di saudi, justisa anbiental y suporta pikenus negosius.

N kre realsa ma es Orsamentu ta oferese un pagamentu inisial na trabadju di Foudation Budget Review Commssion (FBRC) y fundus di edukason lokal, na  Chapter 70, na se mas altu nivel; $5.176B un subida di $268.4M sobri Anu Fiskal 2019. Keli signifika ma grandis y pikenus sidadis ta ten mas dinheru pa invisti na un kualidadi di edukason na undi e mas nesesariu, y ki ta inklui edukason spesial, studantis di lingua Ingles, y studantis di nivel ekonomoku baxu na komunidadis sen vantajen.

Un programa ki ta sublinha nos prioridadi na New England Center for Arts and Technology (NECAT). Dja nu segura $300,000 pa ses programa di pobreza, visiu di opioid, problrma kroniku di pesoas sen tetu, dizenpregadus y dizenvolve treinus y abilidadis pa enfrenta industria di servisus alimentar.

Nun esforsu di reduzi lakuna pa sudantis di Liseu na Boston, nu subi fundu pa Boston Scholar Athelets pa djuda 5,000 jovens ku treinu academiku, servisu di saudi mental, y programa pa kulejiu. Ten serka di 45% di studanti Afro-Amerikanu, 31% Latinu, 25% di studantis di Ingles primera lingua ki ten tcheu prublemas di asesu pa saudi publiku.

Nu ta suporta lei relasionadu pa midjora asesu a industria di cannabis pa komunidadis sen asesu, un subida na Programa di Insentivu di Saudi y trabadju pa jovens atravez di Boston Private Industry Council. Tanbe nu ta luta pa fundus pa:

  • Suporta Servisus y asistensia Teknika pa negosius di Afro-Amerikanu atravez di BECMA.
  • Djobe pa komunidadis imigrantis na area di Boston
  • Alta kualidadi di programa di edukason sivika
  • Reduson di violensia di bandidus y dezenvolvimentu di trabadju na College Bound Dorchester
  • Fazenda/ Orta Urbana, justisa anbiental y asesu a parki y jardin
  • Servisu pa familia y jovens na South Boston, Dorchester, Hyde Park y Mattapan
  • Rekursu pa seguransa publiku na praias di banhu
  • Seelebrason di Annual Caribbean Festival
  • Programa di Saudi mental y abusu di drogas na First Suffolk

Desdi Janeru, Massachusetts Senate ten pasadu tcheu lei ki ta inklui:

  • Termina kazamentu di kriansa na Conmmonwealth
  • Lokaliza mas di $15 M pa sidadi di Boston pa midjoramentu di stradas 
  • Difini politika di seguransa pa midjora seguransa di algen/pion na strada
  • Kria Feriadu di inpostu livri (17-18 di Agostu)

N ten kriadu lei ki konpainha ki ta resebe kreditu di inpostu na Commonwealth ten un planu diversu pa tchiga pa tudu vizinhansa di Boston. Nes espiritu, N ta kontinua nhas esforsu pa ki tudu dizenvolvimentu o renda na tera ki pertense stadu ta inklui un REP prusesu ki ta leba en konta diversidadi di timi di dizenvolvimentu na kada fazi semelhanti a Massport Omni Hotel Model. Pa midjor enderesa dizigualdai ekonomiku nu mesti ki tudu algen ten oportunidadi di partisipa na nos kresimentu ekonomiku.

Na ultimu 6 mes mi y nha gabineti promove St. Patrick’s Breakfast na selebrason di esperiensia di Amerikanus-Irlandes y tudu imigrantis nes pais. Nu selebra Haitian Flag Day Prade, Dorchester Day Parade, Mother’s Day Walk for Peace y Pride Day Parade.

Nu ten trabadjadu na kazus di mas di 100 (sen) konstituinti di tudu banda di First Suffolk District. Nu ten atendidu mas di 400 reunion publiku ku diferenti topiku, regulason di cannabis, parkis y jardins, dizenvolvimentu di kazas, reunion mensal ku asosiason. Nu suporta trabadjadoris di Stop&Shop na prokura di un trabadju y salariu justu y nu selebra Earth Day ku komunidadi di Mattapan y Codman Square.

En poukas palavras, nha gabineti ten feitu progresu signifikanti na First Suffolk District. N sta orgulhozu pa reprezenta nhos na Senadu di Stadu, y N ka ta podeba fazeba el sen nhos suporti. Nhos kontinua ta labanta nhos voz nes governu di stadu.

Obrigadu pa nhos grandi apoiu y suporti,